------- كتبوا كتابك يا نقاوة عينى يوم الهنا يا حلوه يوم ما تجينى --- أبنى الوحيد ع العز أنا ربيته حبيه يا غاليه قد ما حبيته هنى حياته وعمرى له بيته يسعد بقربك يا نقاوة عينى --- مبروك عليكى يا قدم السعد يا نواره يا أم الحسب يا مأصله يا أماره ولا حد زيك من بنات الحاره يشبه جمالك يا نقاوة عينى ---- ندرن عليا يوم قدومك عندى لفرشلك السكه حرير م الهندى تمشى عليه تتمختى و تعدى وتخشى بيتك يا نقاوة عينى ---- وأدعى حبايبى و أهلى يستنوكى ويطوفوا بيكى الحى و يزفوكى ويهنوا أبنى الغالى و يهنوكى ليلة فرحكم يا نقاوة عينى
