مداح القمر
كلمات : محمد حمزة
الحان : بليغ حمدي
عاشق ليالي الصبر مداح القمر
عشق العيون السمر غواني السهر
لولا النهار في جبينك .... لولا الورود في خدودك
لولا الأمان في وجودك
ما كنت هويت ... و لا حبيت ... و لا حسيت
بطعم الحب يا عمري
قدك المياس يا عمري
أيقظ الاحساس في صدري
أنت أحلى الناس في نظري
جل من سواك يا عمري
يا شعر ليل يا ليل و فارد ضفايرك ع القمر
يا بو ضحكة حلوة منورة ليل السهر يا ليل يا ليل
يللي حسنك خلى دقات القلوب ... بتقول آهات
ياما قالو فيك أشعار كتير و حكايات
و ليلاتي بيحكو في هواهم
و كلام ع الرمش اللي رماهم
و الليل بيطول وياهم
و يقرب لي فرحة عمري
عيني يا عيني يا عيني عيني عليكي
كل القلوب بتدوب بتدوب حواليكي
أما أنا ... وحدي أنا
بشوفك بس بعيون غير عيون الناس
و احبك بكل ما في القلب من احساس
و اشوف الحزن متداري ورا الضحكة اللي ف عنيكي
و اسمع في رنين صوتك شجن مالي لياليكي
و يا ريت اللي كتير وصفوكي
كانو ياخدو عنيا يشوفوكي
كانو بقلوبهم حبوكي ..........ز زي ما حبيتك انا و اكتر
موال عاشق أنا موال
و قصتي بتنقال
للناس و للعاشقين
و قالو في الموال قالو
ع اللي صبر و نال ........ قالو
من بعد صبر سنين ............. قالو
و أنا اللي قلبي خلاص ارتاح ........... أنا
و بقيت في دنيا من الأفراح ............ أنا
و مشيت يا ليل مشوار طويل
و لا قلت مرة ده مستحيل
و مشيت ع الشوك ما رجعني
لحد الحب ما طاوعني
و بقيت انا و الحلوة حكاية
عمرها ما ح يبقى لها نهاية
طول ما انت يا حبيبي معايا
ح تنور لي أيام عمري
قدك المياس يا عمري
أيقظ الاحساس في صدري
أنت أحلى الناس في نظري
جل من سواك يا عمري
