كلمات : مارون كرم
ألحان : وديع الصافي
الحب هالحرفين مش أكثر .. اللي بيطلعوا حجم الدني واكبر
وعليهن تعمر اســـاس الكون .. أي نبي بالحب ما بشــــــر؟
وعم تسألي شو الحب يا أسمر
***
شو بيخلي الام تقضي الليل .. راكعة ع سرير طفل صغير
شو بيخلي البي يحمل ويل .. ويتعب ويشقى ويعطي كثير
ومين قوّى الضعيف الحيل .. وحنن على المحتاج كل كبير
الحب الحب الحب الحب
الحب خلى الوالدة تسهر
وخلى حنين البي يتفجر
وعم تسألي شو الحب يا أسمر
***
الارض لولا حبها للخير .. ما بتقبل معول الفلاح
وتعمل الشجرة ثمر للغير .. ولما بتعطي قلبها بيرتاح
وبيحمل بثمه قــــش بيت الطير
وبيشيل عفراخه من جناحه جناح
الحب الحب الحب الحب
الحب خلى الصخر يتكسر
بقبضة زنود العامل الأسمر
وعم تسألي شو الحب يا أسمر
***
الحب يعني الكون يعني الناس يعني انا وانتي
يعني الوفا والصدق والاحساس وعليه تكونتي
و لولاه قنديل الطبيعة ناص هـــالعاطفة كنتي
الحب يعني الشوق والاحساس ان شالله فهمتي
الحب هالحرفين مش اكثر
الحب بالمخلوق شـــو غير
شو رفع شــــــو قدم وأخر
الحب هالحرفين مش أكثر
