آدي يومنا عشنا وشفناها
ودي أغلى فرحة قابلناها
ودعينا يا رب احميها يا رب
فرحة شعبين ما بقوش اثنين
يوم عيد الوحدة العربية أجمل أعيادنا وأمانينا
يوم عيد النور والحرية والدنيا عليه بتهنّينا
كان حلم جميل حقّقناه
وسنين وأيام منستناه
ودعينا يا رب احميها يا رب
وحدة شعبين ما بقوش اثنين
---
وحدتنا تصون حريتنا من ظالم يتحكم فينا
وترفرف ع الدنيا رايتنا ونعيش أحرار في أراضينا
وعدو بلادنا عرفناه
دي الوقت نبص ما نلقاه
ودعينا يا رب احميها يا رب
وحدة شعبين ما بقوش اثنين
---
ربنا من كرمه على بلادنا لطريق العزة بيهدينا
ونصرنا وبارك في جهادنا بالوحدة وإيده ف أيادينا
على فضله وعدله حمدناه
وف عيد الوحدة سألناه
ودعينا يا رب احميها يا رب
وحدة شعبين ما بقوش اثنين
---
اليوم دا يوم الفرح والليلة ليلة العيد
والوحدة تمّت لينا بارك يا ربّي وزيد
يا ليل
وخلي مجد العرب دايماً في نصر جديد
وحبب فينا القلوب والعزّة والإيمان
والنصر في الدنيا دا مبني على التوحيد
يا ليل
كلمات: فتحي قوره
ألحان: فريد الأطرش
تاريخ: 1958
