ياناس .. لأ مش كده الحب ده أصله رضا
بتغيروا ليه من حبنا .. ياريت تحبوا زينا ياريت
الحب فيكم ومنكم أما الخصام من صنعكم
لو تسألوني حقول لكم أنا عاشقة عقبال عندكم
حبيبي .. قلبه دقته أنغام بتسبق خطوته
وكلام أدوب في رقته وحنان بتنطق لمسته
لو تقدروا تتصوروا دنيتنا حلوه قد إيه
أو لو في يوم تفكروا تحبوا كان راح يجرى إيه
دنيا المحبة والوفا يا منصفين
إتغيرت وللا الزمان أصبح ضنين
وللا احنا مش قد الهوى و وللا الحنين
هي الطيور بعد الرضا تهجر كده وتغيب سنين
ده الحب بسمه فوق شفايف مجروحين
ويدلنا على بعضنا ويقول لينا الدنيا حلوة
بس مين يفهمها مين
قلبين وحبوا بعضهم والكون بيحضن فرحهم
حبوا و غنوا و افرحوا م القلب و الروح زيهم
وادي حبيب قلبي وأنا القرب ده مقسوم لينا
وفتح لينا باب النا الحب كلمة حنينة
بتغيروا ليه من حبنا ياريت تحبوا زينا ياريت
الحب فيكم و منكم أما الخصام من صنعكم
لو تسألوني ح أقول لكم أنا عاشقة وعقبال عندكم
يا ناس يا ناس يا ناس
[ندعوك للتسجيل في المنتدى أو التعريف بنفسك لمعاينة هذا الرابط]
